Jæja ég hef tekið þá sterku og djúpu ákvörðun að blogga
Ég sit hérna sem gæsluvörður fyrir utan baðstofu World Class og er að banna fullvaxta fólki að svindla sér inn. Það er mjög skemmtilegt að bösta fullvaxta fólk að reyna að svindla sér inn. Þau verða svo kjánaleg, verða bara eins og lítil börn. Horfa á mig með miskunnar augum og halda að það bjargi einhverju! Ekki á minni vakt. Þau segja oftast ekki neitt, eins og t.d. væri fínt að segja "Fyrirgefðu", þau labba oftast bara í burtu, en sumir segja: "Hún þarna uppi sagði að ég mætti fara inn!" Ég bara "Jee right!" Ég er viss um að ég hafi oft látið þau líða ógeðslega illa og kjánalega. So sorry!
En ég hef ekkert skrifað um jólafríið mitt. Það var reyndar ekkert spes, svaf, vann, drakk og horfði á sjónvarpið- og auðvitað spilaði Það er skemmtilegast í heimi. Ég og Fanney ákváðum aðfaranótt 27. des, að labba til Söru í öllum snjónum og fara að spila með henni og Guðnýju Bíóbrot- sem er btw ógeðslega skemmtilegt spil. Og vitið menn- ég og Guðný rústuðum Söru og Fanneyju JEiii
Hallveig í góðum stemmara í partýinu hans Hlyns!
En ég gerði eitt uppbyggilegt í jólafríinu. Ég fór á skauta með börnum systur minnar. Diljá frænka mín er 7 ára og kann þetta ágætlega en Bjartur sem er 4 ára hann var ekki alveg að ná þessu þannig að ég fór með hann hring eftir hring eftir hring. Svo fékk hann leið á þessu þannig að hann fór bara til mömmu sinnar sem beið þarna í kaffihorninu. Svo skautaði ég ein, hring eftir hring eftir hring í flottu bláu leiguskautunum. HAHA ég man þegar ég og Fanney vorum fastagestir á skautasvellinu. Við mættum á hverju einasta föstudagskvöldi. Vorum alltaf frá 17 til 22. Fanney eignaðist kærasta þarna á svellinu. Ég man eftir einu sem er mér mjög minnistætt, það var alltaf sérstakur leikur í gangi. Maður átti að finna einhvern strák til þess að leiða vinkonu sína einn hring. Ég valdi alltaf mjög flotta gaura handa Fanney. Hún byrjaði nú með einum á skautasvellinu og hann var MJÖG sætur. En Fanney kom alltaf með einhverja glataða gaura til mín, sem ég þurfti að leiða heilan hring. Ég man eftir einum, sem var örugglega þremur árum eldri en ég og ég var í 5. bekk á þessum tíma og hann var í stærri kanntinum, við getum sagt það, allt í lagi með það, svo var hann í fjólubláum gallabuxum, en það versta var að hann kunni ekkert að skauta, hann var í bláum leiguskautum, sem voru btw ógeðslega hallærislegir, og var alltaf að detta og draga mig með á svellið. Fanneyju fannst þetta mjög fyndið, en ég hef ekki enn þá fyrirgefið henni valið á mannsefni fyrir bestu vinkonu sína þetta kvöld. Þó að þetta hafi verið einn skitinn hringur þá var þetta mjög vandræðalegt- hann sagði alltaf "Fyrirgefðu, ég kann ekkert á þetta!" á meðan ég dröslaðist aftur á fætur, rennandi blaut. En engu að síður þá var þetta mjög skemmtilegt tímabil hjá mér og Fanney. Úlla kom stöku sinnum- eða var það ekki????
HAHA ég og Fanney í 1. bekk, held ég. Fann ekki eldri mynd af okkur saman. Googlaði "Svana og Fanney" í myndaleit
Já þegar ég byrjaði að raula með James Blunt lagið 1973, þá fattaði ég það að ég hafi verið ein mjög lengi og skautað hring eftir hring eftir hring. Fyrir framan mig var mesta skinkukambó dauðans. Einhver gaur sem var frekar ófríður, pott þétt einn af þeim sem verður myndarlegri með aldrinum
Hann var að halda utan um kærastuna sína, sem var gangandi dæmi um skinku í 9. bekk. Það fyndnasta við þetta allt saman var það að kærastan hélt í hendina á vinkonu sinni. Ég grenjaði úr hlátri. HAHA, það eins og Hófí og Árni væru geðveikt rómó, haldandi utan um hvort annað á svellinu og ég væri að leiða Hófí. Mjög fyndið.
En ég og frænka mín Diljá vorum ansi lengi að skauta, en ekki saman, hún fann einhverja vinkonu sína sem var mun meira spennandi en ég, þannig að já eins og sagði áður þá var ég mjög lengi ein. Við stelpurnar ættum að fara að byrja á þessu, mæta á hverju einasta föstudagskvöldi og leiða einhverja stráka nokkra skitna hringi???? Neiii við erum pott þétt old news þarna á svellinu. En nóg af þessari sögu......
En já eins og ég sagði áður þá djömmuðum við mikið yfir hátíðarnar og maður var eiginlega alveg búin á því eftir gamlárskvöld. En seinustu helgi þá fórum við á Hereford að halda upp á afmæli Söru. En það skemmtilegasta við þessa kvöldstund okkar var það að Sara hafði ekki hugmynd um að við værum að fara þangað. Þannig að ég laug því að Söru að við værum að fara að þjóna fyrir Sjálfstæðisflokkinn, eitthvað sem ég og Hallveig höfum oft gert áður og það er alltaf jafn gaman, Sara trúði þessu algjörlega og ég laug því að henni að við myndum fá geðveikt góðan mat áður en við myndum byrja að þjóna fólkinu, og að hún ætti einnig að vera mjög fín. Svo fórum við að sækja Söru og sögðum að við værum að fara að þjóna í sal sem væri við hliðina á Hereford. Svo erum við að labba Laugaveginn og Sara bara "Ég held að þið vitið ekkert hvert við eigum að fara, Svana hringdu aftur í mömmu þína!" En ég gerði það svo aldeilis ekki, við löbbuðum upp stigann og inn á Hereford þar sem Sara stoppar og segir "Nei, hvert eru þið að fara, þetta er vandræðalegt! Hvað sagði eiginlega mamma þín Svana??!" - "Ég man það ekki alveg". Svo löbbuðum við allar inn og Guðný sagði nafnið sitt við einn myndarlegan þjón og okkur var fylgt að okkar borði. Sara var aldeilis hlessa! Henni datt þetta ekki í hug! Við buðum Söru upp á geðveika steik, hún var ekkert smá sátt- vel heppnað kvöld
Hvað var í gangi í þessu partýi?? Hlynur!!! Hvað ertu að gera með hamar??!!!
Jááááá.... ég er búin að skrifa ansi langt blogg, vonandi á fólk eftir að lesa það og hafa gaman af. Smá myndaflipp í endann!
Fallegasta par í heimi!!
Ég þakka fyrir mig 